21 may 2013 13:01
Boksçularımız Xabarovskda üç medal qazandılar
Rusiyanın Xabarovsk şəhərində Sovet İttifaqı Qəhrəmanı Konstantin Korotkovun xatirəsinə həsr olunmuş boks üzrə beynəlxalq turnir keçirilib. Azerisport.az xəbər verir ki, yarışda ölkəmizi təmsil edən 5 boksçudan üçü mükafatçılar sırasına düşüb.
Turnirdə 56 kiloqram çəki dərəcəsində çıxış edən Tural Əhmədov yarımfinalda rusiyalı Vyaçeslav Mirzəyevi məğlub etdikdən sonra həlledici görüşdə Qazaxıstan təmsilçisi Kayrat Yeraliyevlə qarşılaşıb. İki xal fərqlə uduzan T.Əhmədov gümüş mükafata sahib olub.
“Baku Fires” klubunun üzvü Abdulqadir Abdullayev də (91 kq) Xabarovskdan gümüş medalla dönüb. Boksçumuz finalda rusiyalı Şamil Mataşevə 7:13 hesabı ilə məğlub olub. S
uperağır çəkidə yarışan Aleksandr Babiç də finalda London Olimpiadasının bürünc mükafatçısı İvan Dıçkoya uduzub.
