15 dekabr 2012 01:40
Yığmamız Qazaxıstanda üç medala sahib çıxdı
Qazaxıstanda boks üzrə qadınlar arasında beynəlxalq turnirə yekun vurulub. Azerisport.az xəbər verir ki, milli komandamız yarışda 1 qızıl, 1 gümüş və 1 bürünc medala sahib olub.
69 kq çəki dərəcəsində mübarizə aparan dünya çempionatının gümüş mükafatçısı, London Olimpiadasının iştirakçısı Yelena Vıstropova fəxri kürsünün ən yüksək pilləsinə qalxıb. Boksçumuz finalda Qazaxıstan nümayəndəsi Dariqa Şakimovanı 14:11 hesabı ilə məğlub edib.
Leyla Cavadlı isə (75 kq) gümüş medala layiq görülüb. Boksçumuz finalda Baxıtjan Akerkevaya 13:20 hesabı ilə uduzub.
Aynur Rzayeva Qazaxıstan turnirində 3-cü yerə layiq görülüb. Millimiz ümümkomanda hesabında Qazaxıstan və Rusiyadan sonra 3-cü yeri tutub. Rusiya yığması komandamızdan yalnız 1 gümüş medal çox qazanıb.
