1 dekabr 2012 00:08
İki boskçumuz İrəvanda qalib gəldi, biri diskvalifikasiya olundu
Xəbər verdiyimiz kimi, İrəvanda gənclər arasında boks üzrə dünya birinciliyi keçirilir. Azerisport.azc xəbər verir ki, yarışda 71 ölkədən 406 boksçusu birincilik uğrunda mübarizə aparır. Birincilikdə Azərbaycan yığması da iştirak edir.
Çempionatda 91 kiloqram çəki dərəcəsində mübarizə aparan idmançımız Rahil Məmmədli ilk görüşünü puerto-rikolu Saret Murielə qarşı keçirib. Maraqlı idman mübarizəsi şəraitində keçən görüş 17:11 (8:5, 6:3, 3:3) hesabı ilə Rahil Məmmədlinin xeyrinə başa çatıb.
Ardından rinqə Tural Əhmədov (52 kq) çıxıb. O, Norveçdən olan Hadi Hassan Srura üzərində qələbə qazanıb - 21:12 (7:7, 9:3, 5:2).
Ən sonda isə Rauf Rəhimov (81 kq) mübarizəyə qoşulub. İki raunddan sonra hesab rəqibin xeyrinə olub 5:6 (3:2, 2:4). Lakin üçüncü raundda Rəhimov diskvalifikasiya olunub və yarışlardan kənarlaşdırılıb.
Qeyd edək ki, yarışların ilk günündə Azərbaycan boksçularından yalnız biri rinqə çıxmışdı. 56 kq-da mübarizə aparan Nəsrəddin Məmmədov Ermənistan təmsilçisinə məğlub olmuşdu.
