14 aprel 2012 20:17
Lisenziya turniri təxirə salındı
Türkiyənin Trabzon şəhərində aprelin 14-də keçirilməli olan boks üzrə Avropa Olimpiya təsnifat yarışı təxirə salınıb. Azerisport.az xəbər verir ki, aprelin 13-də Trabzonda güclü duman olduğundan hava limanı təyyarələri qəbul etməyib.
Bu səbəbdən bir çox komandalar yarış yerinə vaxtında çata bilməyiblər. Təşkilat komitəsi turnirin açılış mərasimi və ilkin döyüşlərini bir gün sonraya – aprelin 15-ə keçirib. Püşkatma mərasimi də bazar günü olacaq.
Azərbaycan milli komandası Türkiyəyə aprelin 14-də gəlib. Qeyd edək ki, ölkəmizi Trabzonda 5 boksçu – Salman Əlizadə (49 kq), Məhəmməd Abdulhəmidov (56 kq), Elvin İsayev (60 kq), Tamerlan Abdullayev (69 kq) və Vətən Hüseynli (81 kq) təmsil edəcəklər.
