18 fevral 2012 17:15
Kliçkonu şillələdi, 50 min dollar cərimələndi (VIDEO)
Ümumdünya Boks Şurası (WBC) britaniyalı boksçu Derek Çisoranı 50 min dollar cərimələyib. Azerisport.az xəbər verir ki, buna Çisoranın ukraynalı rəqibi Vitali Kliçkoya şillə vurması səbəb olub.
WBC prezidenti Xose Süleymanın sözlərinə görə, britaniyalı boksçunun bu hərəkəti tam biabırçılıq və ucuz təxribatdı. Onun fikrincə, belə davranış boksçu üçün qəbuledilməzdi və idmana hörmətsizliyini göstərir. Süleyman ümid etdiyini bildirib ki, Kliçko Çisora ilə rinqdə haqq-hesab çəkəcək. Britaniyalının ödəyəcəyi cərimə isə xeyriyyə məqsədlərinə sərf olunacaq. Döyüş isə bu gecə Almaniyanın Münhen şəhərində baş tutacaq. WBC versiyası üzrə hazırkı dünya çempionu Vitali Kliçko titulunu qorumağa çalışacaq.
Ağır çəkili ukraynalı boksçu Darek Çisoranın şilləsinə rəsmi çəkiölçmə mərasimində məruz qalıb. Vitali Kliçko həmin vaxt rəqibinə reaksiya verməyib. O bildirib ki, Çisora bu hərəkətinin cavabını rinqdə alacaq.
