8 fevral 2012 11:51
Vətən Hüseynli WSB-də debütə hazırlaşır
Fevralın 10-da Bakı vaxtı ilə saat 23:00-da Almaniyanın Halle şəhərində Ümumdünya Boks Seriyasının (WSB) 9-cu turunun matçında “Leipzig Leopards” (Almaniya) və “Baku Fires” (Azərbaycan) komandaları qarşılaşacaqlar. Azerisport.az xəbər verir ki, artıq komandaların bu oyun üçün heyətləri məlumdu:
Leipzig Leopards - Baku Fires
54 kq. Dennis Villi Ceylan (Danimarka) - Məhəmməd Əbdülhəmidov (Azərbaycan)
61 kq. Artur Bril (Almaniya) - Semyon Qrivaçyov (Azərbaycan)
73 kq. Ştefan Hertel (Almaniya) - Nikolay Veselov (Belarus)
85 kq. Kevin Küntsel (Almaniya) - Vətən Hüseynli (Azərbaycan)
+91 kq. Filipp Gruner (Almaniya) - Hacı Murtuzəliyev (Azərbaycan)
Qeyd edək ki, Vətən Hüseynli “Baku Fires”ın heyətində ilk döyüşünə çıxacaq. Boksçumuzu ciddi rəqib gözləyir. Kevin Küntsel keçirdiyi hər üç matçda qələbə qazanıb.
Məhəmməd Əbdülhəmidov da eyni göstəriciyə malikdi. O, danimarkalı Dennis Villi Ceylanla mübarizə aparacaq.
“Leipzig Leopards”ın heyətində Semyon Qrivaçyovun rəqibi olan yeniyetmələr arasında olimpiya və dünya çempionu Artur Brili də qeyd etmək olar.
Xatırladaq ki, Bakıda Azərbaycan klubu almanları 5:0 hesabı ilə məğlub edib.
Turnir cədvəli:
1. Baku Fires – 24 xal, döyüşlərin fərqi - 33-7 (8 matç)
2. Leipzig Leopards – 13, 21-19 (8)
3. Mexico City Guerreros – 13, 19-15 (7)
4. Paris United – 12, 17-22 (8)
5. Istanbul Bosphorus – 11, 18-22 (8)
6. Beijing Dragons – 3, 6-29 (7)
“Baku Fires”ın yer aldığı “B” qrupunda bu həftə daha bir matç baş tutacaq: Istanbul Bosphorus (Türkiyə) - Mexico City Guerreros (Meksika).
