23 sentyabr 2011 00:08
Millimizin məşqçisi: Beş medala ümid edirik
Boks üzrə milli komandamız “Sərhədçi” İdman Olimpiya Mərkəzində jurnalistlər üçün açıq məşq keçirib. Azerisport.az xəbər verir ki, məşqdə yığmamızın baş məşqçisi Yevgeni Kotov, məşqçilər Nəriman Abdullayev, Ruslan Xairov və bəzi şəxsi məşqçilər iştirak ediblər.
Mətbuat nümayəndələrinə açıqlama verən Nəriman Abdullayev boksçularımızın yaxşı formada olduğunu bildirib: “Yarışa çox az vaxt qalıb. Amma qısa müddətdən maksimum yararlanmalıyıq. Əsas odu ki, ciddi zədələr yoxdu. Dünya çempionatında uğurla çıxış etmək üçün əlimizdən gələni edəcəyik. Dünya çempionatı Bakıda keçirildiyindən, təbii ki, nəticələr daha yaxşı olmalıdı. Rusiyada yerli komanda ilə birgə yaxşı təlim-məşq toplanışı keçirdik. Biz 5 medal qazanmağa ümid edirik. Lisenziyaların sayı isə daha çox ola bilər”.
