24 iyun 2011 19:15
Azərbaycan AÇ-də iki qızıl medal qazandı (YENİLƏNİB)
Türkiyənin Ankara şəhərində boks üzrə Avropa çempionatı davam edir. Azerisport.az xəbər verir ki, bu gün final görüşləri keçirilib.
40 ölkənin 250-dək boksçusunun mübarizə apardığı turnirdə bu gün Azərbaycan yığmasının da 2 üzvü qızıl medal qazanmaq üçün bacarığını nümayiş etdirmək hüququ qazanıb. Yarımfinal mərhələsini uğurla adlayaraq, ən azı gümüş medalı özləri üçün təmin etmiş Salman Əlizadə (49 kq) və Teymur Məmmədov (91 kq) həlledici döyüşünü də qələbə ilə başa vurmağa çalışıb.
49 kq çəki dərəcəsində yarışan Salman Əlizadə rusiyalı Belik Qalanovla mübarizədən qalib çıxmağa çalışıb. İlk raundu 6:4 öndə tamamlayan Salman ikincidə bir qədər zəif döyüşsə də, son raunnda 16:14 hesablı qələbəni təmin edə bilib və Avropa çempionu olub.
Teymur Məmmədova (91 kq) gəlincə, o, bolqarıstanlı Tervel Pulevlə qarşılaşır. Artıq görüşdə ilk iki raund başa çatıb. Təmsilçimiz birinci raundu 5:4 öndə bitirdiyi halda, ikinci raundda 10:3 başa vurub. Hakimlər üçüncü raundun keçirilməsinə ehtiyac duymayıblar və çempionluğu həmyerlimizə veriblər.
