18 iyun 2011 00:18
AÇ-nin ilk günündə 1 məğlubiyyət, 2 qələbə (YENİLƏNİB)
Türkiyənin Ankara şəhərində boks üzrə Avropa çempionatı start götürüb. Azerisport.az xəbər verir ki, yarışın ilk günündə Azərbaycan yığmasının 3 üzvü rinqdəki bacarığını nümayiş etdirmək hüququ qazanıb.
40 ölkənin 250-dək boksçusunun mübarizə apardığı turnirin ilk günündə Salman Əlizadə (49 kq), Elvin Məmişzadə (52 kq) və Elvin İsayev (60 kq) millimizin uğurlu çıxışın əsasını qoymağa çalışıb.
49 kq-da mübarizə aparan Salman Əlizadə ilk görüşdə ukraynalı Denis Kozarukla üz-üzə gəlib və rəqibini aşkar fərqlə məğlub edib - 24:8.
52 kq-da Elvin Məmişzadənin rəqibi yerli idmançı Selcuk Eker idi. Əgər həmyerlimiz qalib gələrdisə, növbəti mərhələdə rusiyalı 3 qat Avropa çempionu Qeorqi Balakşinlə qarşılaşa bilərdi. Lakin Məmişzadə məğlubyyətlə üzləşib - 11:22.
60 kq-da yarışan Elvin İsayev isə latviyalı Artom Latvasla üz-üzə gəlib və rəqibini məğlub edib - 16:15.
