"Olimpiada xatirinə hər şey edəcəm ki, dünya çempionuna qalib gəlim"

Mayın 27-i və 28-də Çində Ümumdünya boks seriyası (WSB) turnirinin finalı keçiriləcək. Turnirdə şəxsi hesab üzrə olimpiya vəsiqələri uğrunda mübarizə gedəcək. Azerisport.az xəbər verir ki, Londona olimpiyadasına bilet uğrunda təmsilçimiz Azərbaycan boks yığmasının üzvü Məhəmmədrəsul Məcidovdur (91 kq). Onun rəqibi italiyalı Klemente Russodur. Bu ərəfədə Məcidov öz ümidlərindən və WSB-də, “Baku fires” klubunda çıxışından danışıb.

 

- Siz bu il Ümumdünya boks seriyası turnirində debüt etdiniz. Turnirin səviyyəsini və rəqabət dərəcəsini mövsümün sonunda necə qiymətləndirirsiniz?

- Düşünürəm ki, Ümumdünya həvəskar boks assosasiyası belə bir yarışı təşkil etməklə gözəl təşəbbüslə çıxış etdi. Bu, hər bir boksçuya özünü ən yüksək səviyyədə göstərmək və karyera pilləsini artırmaq imkanıdır.

 

-  WSB turniri sizin üçün nə deməkdir?

- Bu turnirdə iştirak mənim üçün özünəməxsus çağırışdır.

 

- Sizin üçün ən çox hansı döyüş yaddaqalan olub?

-  Mən hər hansı bir konkret görüşü deyə bilmərəm. Keçirdiyim bütün yeddi görüş mənim üçün xüsusi olub. Bu döyüşlərdə mən təcrübə toplamışam və ustalığımı daha da artırmaq üçün həvəs əldə etmişəm. Hər bir döyüş - gözəl xatirələr və təəssüratlardır.

 

- Mövsümün əvvəlində siz artıq şəxsi hesablar üzrə turniri qazanmaq imkanlarınız haqda düşünürdünüz?

- Əvvəlcədən bu, mənim məqsədim idi. Sevinirəm ki, finala çıxa bilmişəm. İndi yekun döyüşü uğurla başa vurmaq qalır. Axı ortada olimpiyadaya vəsiqə var. Mənim məqsədim - həmişə birinci olmaqdır.

 

- Ancaq bunun üçün siz Olimpiyadanın gümüş mükafatçısı və dünya çempionu Klemente Russonu məğlub etməlisiniz. Döyüşə necə hazırlaşırsınız?

- Bu görüş müəyyənedici olacaq və ona görə də hazırlıq buna müvafiq aparılır. Qələbə qazanmaq üçün hər şey edəcəyəm.

 

- Döyüşə hazır olduğunuzu hiss edirsiniz?

- Nəyisə yaxşılaşdırmaq üçün həmişə imkan var. Buna görə də demək olmaz ki, tam hazıram. Mükəmməlliyin sərhəddi yoxdur.

 

- WSB finalından sonra planlarınız barədə deməzsiniz?

- Gəlin bu barədə qarşıdakı döyüşdən sonra danışaq.