12 may 2011 15:42
Azərbaycanın ən güclüləri Kislavodska göndərildi
Boks üzrə milli komandamız Rusiyanın Kislavodsk şəhərinə təlim-məşq toplanışına yollanıb. Azerisport.az xəbər verir ki, komandamız orada Rusiya yığması ilə birgə ümumi fiziki hazırlıq prossesi keçiriləcək.
Şimali Qafqaza “Ən güclülərin seçmə yarışı”nda 1-ci yeri tutan idmançılar gedib. Kislavodsk toplanışından sonra boksçularımız Moskaətrafında yerləşən Çexov şəhərindəki “Mavi Şəhərcik” bazasında Rusiya idmançıları ilə sparinq döyüşləri keçirəcəklər. Milli komandamızın 2 nömrələri isə mayın 16-da İtaliyaya səfər edəcəklər. Sardiniya adasında İtaliya milli komandası başda olmaqla, bir neçə ölkənin dəri əlcək ustaları hazırlıq keçəcəklər. Qeyd edək ki, komandamız iyunun 14-də Ankarada start götürəcək Avropa çempionatına hazırlaşır.
