22 mart 2011 15:51
Azərbaycanlı boksçu Türkiyəyə getdi, acdı sandığı, tökdü pambığı
Azərbaycanda bir çox dərəcəsi olmasına rəğmən milli komandaya alınmadığını irəli sürən boksçu Vicay Məmmədov, bundan sonrakı karyerasını Türkiyədə davam etdirəcək. Azerisport.az xəbər verir ki, o, bu haqda şok açıqlamaları qardaş ölkə mətbuatına müsahibəsində verib.
Özünün çempion olmasına rəğmən kənarda qalması halında ikinci və üçüncü olanların əsas komandaya dəvət almasına üsyan edən Məmmədov bunları dilə gətirib: "5 il kikboksinqlə məşğul oldum. 3 dəfə çempion oldum. Sonra boksa başladım. Çempion olsam da, məni milli komandaya çağırmadılar. Sərt döyüşdüyümü bəhanə etdilər. Azərbaycanda kimin yaxını, maliyyə gücü varsa, milli komandanın məşqlərinə gedir. Maddi cəhətdən imkanı olanlar yüksəlir, qalanları isə çempion olsa da belə, əzilir”.
“Xalam Malatyada bir türkiəli ilə evlidi. Ona görə də Türkiyədə boksla məşğul olmaq üçün xalamın yanına gəldim. Xalam məni Gənclik və İdman müdürlüyü məşqçilərindən Aziz Bayduzla tanış etdi. O, Türkiyədə uğur qazanmağın yollarını başa saldı. Məni çalışdıracağını və çempionatlara aparacağını bildirdi”.
Aziz Bayduz da Vicayın durumundan danışıb: "Vicayın lisanziya işləri üçün müvafiq qurumlarla əlaqəyə girdik. Türkiyə Boks Federasiyasını da xəbərdar etdik. Vicay, artıq klubumuz adına dövüşəcək. Azərbaycan Boks Federasiyasından yazı istədik, göndərdilər. Vicay, ölkəsində böyük təzyiq görmüş. Çempion olmasına rəğmən önəm verməmişlər. Burada ona baş verənləri unutduracağıq”.
